|
Post by kabir on Dec 26, 2018 2:14:03 GMT 5.5
next update kis time milega bhai ……...
|
|
|
Post by kabir on Dec 26, 2018 2:15:20 GMT 5.5
Agla update ka intezar kar raha ho bhai ...
|
|
|
Post by anandsngh12 on Dec 28, 2018 2:30:59 GMT 5.5
UPDATE*2
Ladka (hairan hokar)—yaha par to mere aur tumhare alawa koi teesra nahi hai…phir tumne ye kyo kaha ki teeno ki jaan jayegi…..?
Ladki (pareshan hokar)—haaye….meri bahan bhi isi jagah hai
Ladka (chounk kar)—lekin yaha tumhari bahan kaha hai…?
Ab aage………
Aurat (hath se ishara karke)—isi jagah hai
Ladka—agar vo jamin me gadi hai to kab ki mar gayi hogi
Aurat (chandrama ki oor dekh kar)—nahi…nahi….use gade abhi jyada der nahi huyi hai….mujhko latkane ke baad badmasho ne use gada hai….sivay iske vo ek bade lambe choude sandook me rakh kar gadi gayi hai…..jarur abhi jinda hogi
Itna sunte hi vah Ladka apni jagah se uth khada hua aur uss ladki ki batayi huyi jagah ki jamin ko khanjar se khodne laga…ladki apne najuk hatho se vaha ki mitti hatane lagi
Sandook bahut niche nahi gada gaya tha isliye uske upar ka takhta jaldi hi nikal liya gaya
Sandook me lock nahi laga tha to ladke ne asani se uska palla hata kar kinare kiya aur dono ne milkar us ladki ko sandook se bahar nikala…..jo uske andar behosh padi huyi thi
Iske badan me bhi full jewar (jwellary) the…aur sari bhi beshkimti thi magar chehra saf nazar nahi aata tha..tab bhi kuch kuch chandrama ki roshno uske khubsurat i ko chhipe rahne nahi deti thi
Sandook ke bahar nikalne aur thandi thandi hawa lagne par bhi kuch der ke baad use hosh aaya tab vo ladka aur vah ladki apne rumal aur aanchal se uske muh par hawa karte rahe
Hosh aate hi us ladki ne chounk kar pahle us ajnabi ladke ki oor dekha phir apni dusri taraf baithi ladki ko phir khud ki halat dekh kar soch me dub gayi
Ladki 2—didi …meri yah halat kaise huyi….?
Ladki 1—ye waqt in sab baato ka nahi hai…..hum logo ko chahiye ki siway bhagne ke aur kuch na kare balki jab tak yaha se door na nikal jaye apas me kuch baat hi na kare…..ha.ishwar ne chaha to kisi surakshit jagah pahuch kar hi kuch baat cheet kare to adhik behtar rahega
Ladki 2—didi..kya hum log aisi jagah phans gaye hain ki siway bhagne ke aur kuch nahi kar sakte….agar aisa hai to mai bhagne ko taiyar hu magar itna to bata do ki ye ajnabi ladka koun hai aur mere bagal me ye itna bada gaddha kaha se aa gaya jisme itna bada sandook rakha hai
Ladki 1—mai to khud bhi nahi janti ki ye bahadur yuvak jisne hum dono ki jaan bachayi hai, koun hai…? Ha is sandook aur gaddhe ke baare me jarur janti hu kintu abhi siway bhagne ke mujhe kuch aur nahi sujh raha hai agar tumhare pass bhagne ki himmat na ho to koi aur upay ke baare me socha jaye
Ladki 2—nahi…nahi…mai bakhubi tum logo ke sath chalne ko taiyar hu….lo chalo ab
Teeno us jagah se dhire dhire aage ki oor rawana ho gaye…
Ladki 1—mujhe aage chalne do…kyon ki mai yaha se bahut jaldi bahar nikalne ka rasta janti hu..tum dono chup chap mere piche piche aao
Yah kah kar vo aage hokar pashchim disha ki oor jane jane lagi..to ye dono bhi uske piche chalne lage
Ghadi bhar chalne ke baad teeno ek nadi ke kinare pahuch gaye….jiska paat bahut jyada chouda to nahi tha kintu itna kam bhi nahi tha ki kisi ka feka hua patthar ya dhela is paar se uss paar tak pahuch jaye
Chhoti chhoti do khubsurat kishtiya (boat) kinare par khoonte se bandhi huyi dikhayi padi……jis par halke halke dande bhi naav chalane ke liye pade the
Ladki 1—jaldi se kisi ek boat par chadh jao….der mat karo
Ladka—nahi..pahle tum dono sawar ho jao...iske baad mai naav me baithunga
Yah kahkar usne dono ladkiyo ko naav par chadhaya lekin jab vo khud boat par chadhne laga to ek ladki ne use rok diya
Ladki 1—pahle us dusri boat ko kinare se khol kar is naav se baandh lo…uske baad tum bhi isme aa jao…mai us boat ko apne sath le jaungi
Ladki 2—us dusri boat ko le jane ka koi fayda nahi hai…..balki aisa karne se to hamari naav utni tez bhi nahi chal sakegi jitni akele me chalegi
Ladki 1—mai jo kahti hu vo karo…iska karan tum nahi janti….jyada der karne se nuksan hi hoga isliye jaldi se us boat ko isse baandh kar tum bhi upar aa jao
Ladke ne ye soch kar ki shayad isme koi bhed ho..usne dusri naav ko kinare se khol kar pahli boat se baandh diya aur upar akar naav chalane laga
Ladki 1—ab meri jaan me jaan aayi….ye sab aap ki badaulat hai….ab aap idhar aakar baithiye…mai naav chalati hu
Ladka—wah….mai baithu aur tum naav chalao ..ye bhi khoob kahi…tum dono chup chap vahi baithi raho…aur dekho mai ise kitni tezi se chalata hu….tum dono ke to abhi tak hosh bhi thikane nahi huye honge…..
Ladki 1—ab theek hain hum
Ladka—ha..ye to batao ki abhi tak mujhe ‘’tum tum’’ kah kar pukarti rahi lekin jab se boat par sawar huyi ho tab se kayi baar ‘’aap’’ kah ke pukara…iska kya karan hai….?…tumhari baat cheet se malum hota hai ki tum padhi likhi ho…agar aisa nahi hota to mai ye khyal na karta aur na hi ye sawal karta
Un dono ne is baat ka koi jawab nahi diya kewal mushkura kar apna sar niche kar liya….
Ladka—chalo mujhe ye to pata chala ki tum dono mushkurati bhi ho
Ladki 1—ab hum log kafi dur nikal aaye hain…..agar is dusri kishti ko yaha dubo diya jaye to hum poori tarah nishchint ho jaye
Ladka—is dusri boat ko sath me lane ki vajah main bakhubi samajh gaya hu…jaha tak ho sake hame isko dubo hi dena chahiye kintu is tarah ki jisse hamari naav ko koi nuksan na pahuche
Yah kah ke ladke ne naav khena band kar diya aur piche bandhi dusri naav par aakar apni kamar me bandha khanjar nikal kar naav ke beech me hole kar diya aur phir vapis apni boat me akar apni boat se bandhi huyi uski rassi khol kar naav ko chala ke aage le gaya
Us dusri naav me gaddha ho jane se usme pani bharne laga aur vo dhire dhire dubne lagi….ladka apni boat ko tezi se aage badhane laga
Nadi ka jal(pani) bilkul thahra hua malum ho raha tha jaise kisi ne farsh bichhaya ho…..chandrama bhi apni purna kirno se saf aas maan me uga hua tha…..
Ye teeno naav par baithe chale ja rahe the…..teeno jawan, teeno khubsurat, teeno najukbadan…apas me ek dusre ko dekh dekh khush hote, mushkurate..naav chalate huye badhte ja rahe the…..
Ladki 1 (mushkura kar)—bas ab hame kisi ka darr ya khauf nahi hai….naav ko dhire dhire bahne dijiye aur aap aakar mere paas baithiye
Ladka bhi yahi chahta tha ki in dono ke paas baithkar baatcheet karke malum kare ki ye bala ki khubsurat jawan ladkiya koun hain….?
Astu usne bhi naav khena band kar diya..aur patwar ko vahi upar rakh ke vahi khushi khushi akar baith gaya jaha dono baithi mushkura rahi thi
|
|
|
Post by anandsngh12 on Dec 28, 2018 2:33:58 GMT 5.5
Agla update kb dene Ka irada hai Update ab se regular ayenge
|
|
hi
Junior member
Posts: 64 Likes: 8
|
Post by hi on Dec 28, 2018 6:05:46 GMT 5.5
Nice update
|
|
|
Post by Sonu Kale on Dec 28, 2018 7:45:50 GMT 5.5
nice update
|
|
mohan
Junior member
Posts: 19 Likes: 0
|
Post by mohan on Dec 28, 2018 19:41:04 GMT 5.5
Awesome,kya likhte ho Bhai pr update regular do
|
|
|
Post by anandsngh12 on Dec 29, 2018 14:44:14 GMT 5.5
UPDATE*3
Ladka bhi yahi chahta tha ki in dono ke paas baithkar baatcheet karke malum kare ki ye bala ki khubsurat jawan ladkiya koun hain….?
Astu usne bhi naav khena band kar diya..aur patwar ko vahi upar rakh ke vahi khushi khushi akar baith gaya jaha dono baithi mushkura rahi thi….naav dhire dhire aage bahne lagi
Ladka—ab hum poori tarah se bekhauf hain….mujhe to pahle bhi kisi ka darr nahi tha..magar tum dono ki vajah se mujhe bhi darna pada....ab tum dono ka haal jane bina dil bahut bechain ho raha hai…isse badhiya samay baat cheet karne ka phir na milega
Ladki 1—pahle aap kahiye aap ka kya naam hai…?..kaha ke rahne wale hain…? Aur us jungle me (kaamp kar)..ufff..yaad karte hi kaleja dahalta hai…..aap kaise pahuche…?
Ladka—pahle tumko apna haal kahna chahiye kyon ki tumhare puchne se pahle hi main yeh sawal kar chuka hu…..siway iske mera koi vichitra haal nahi hai….ha.jab tum dono ki halat ko yaad karta hu to badan ke rongte khade ho jate hain….haaye…uska kaisa kaleja tha jisne tum dono ke sath aisa salook kiya
Ladki 2—ha didi…pahle tum apna haal kaho…kyon ki meri tabiyat yeh sune bina hi bahut ghabra rahi hai ki meri vah dasha kishne ki thi…?
Ladki 1—achcha theek hai…pahle mai hi apni ram kahani kahti hu…(phir ladke ki taraf dekh kar)..aap kuch nahi batana chahte to koi baat nahi hai kintu kam se kam apna naam to bata dijiye jisse baat karne me asani ho
Ladka—iska koi muzayka nahi hai…to suno mera naam ‘’RISHABH’’ hai…baki jab tak tum dono ke bare me malum nahi hota…mai kuch nahi bataunga
Ladki 1—hahaha……ab aap dil laga kar mere baare me suniye…mai batati hu….
In logo ne naav khena band kar diya tha…aur ek dusre ki baat me itna kho gaye ki naav ki chaal aur bahav ka kuch khyal na raha…aur vah bahti huyi kuch kinare ki taraf ho gayi
Abhi us ladki ne apne baare me batana chalu nahi kiya tha ki in logo ki naav ek ghane peepal ke ped ke niche ja pahuchi jo kinare par hi tha
In logo ki naav us ped ke niche pahuchi hi thi ki upar se kisi ki awaz aayi….
‘’Sale..bh***ke..Rishabh…le ja....do do kancha maal le ja bhaga ke chup chap…..ab dosto ki fikar kyo hogi…magar hum bhi tumhare ustad hi nikle…rasta hi aakar band kar diya…bhala ab aage ja to sahi..dekhe kitni himmat hai…’’
Is awaz ke sunte hi dono ladkiya darne lagi magar vo ladka hasne laga jisse dono ko badi hairat huyi kyon ki is awaz ko sun kar vo ghabra gayi thi…..unko poora vishwas ho gaya tha ki hamara picha karte huye koi dushman yaha tak aa pahucha
Darr ke maare badan kampne laga tha..lekin Rishabh ko haste dekh unki halat aur bigad gayi vo dono badi hairangi se use dekhe ja rahi thi
Rishabh (haste huye)—ghabrao mat….mai abhi ise naav par bulata hu...
Rishabh (ped ki taraf dekh kar)—abe oo bhutni ke….ab ped ke upar hi baitha rahega ki niche bhi utrega...chal aaja kinare par
Awaz—nahi..ab to mai bilkul bhi niche aane wala nahi hu....tum apni naav le jao......hihihihihi.. lekin yaha se naav le jana kya hasi majak hai....aisa mantra padhunga ki ye boat apne aap kinare par hi aake rukegi...bahut apni jaan bacha kar ghar se bhage the na.....main teen din ka bhukha pyasa hu...ab to tum logo ko khakar apni bhukh mitaunga
Rishabh—abey utarta hai niche ki lagau mirchi ki dhuni
Awaz—arey mirchi ke khet me hi aag laga dega to usme hoga kya phir.... ?
Rishabh—achcha mere bhai….tere hath jodta hu …ab to niche aa ja
Awaz—mai aisa vaisa bhoot nahi hu ki itna jaldi utar jau
Rishabh—sidhi tarah niche aata hai ki nahi
Awaz—tu yaha se jata kyo nahi
Rishabh—naak me damkar diya isne to…achcha ye batao ki tum niche utarte kyo nahi…?
Awaz—bhai gussa kyo hote ho…?..tujhe to malum hai ki mai kitna foonk foonk kar kadamrakhta hu
Rishabh—ab yaha tumhe kis baat ka darr hai….?
Awaz—yahi ki kahi mujhe nazar na lag jaye
Rishabh—kiski nazar….?
Awaz—yahi ki kahi in ladkiyo ki nazar meri jawani aur pahalwani ko na lag jaye
Uski baat sunkar rishabh jor jor se hasne laga….sath me jo ladkiya abhi tak darr se kaamp rahi thi vo bhi uski baat sun kar khil khilakar hasne lagi
Ladki 1—agar ye bhoot hai to phir rishabh ji bhi jarur pishach honge…hihihihi…magar ye hain koun…?
Rishabh—niche nahi aa raha na..to theek hai mat aa…mai ye ped hi kaat dalta hu ab
Awaz—nahi…nahi…aisa julm mat kar…mai aa raha hu niche
Aur phir wo shakhs niche kud kar aa gaya jise dekhte hi dono ladkiyo ki hasi hi nahi ruk rahi rahi...karan tha uski ajib shakal bilkul naate kad ka (bouna), chhoti naak, lal kurta pahne, ek hath me batua aur ek hath me bhaang ghotne ka danda liye vo naav par kud gaya..age karib 25 saal lekin dekhne se 7-8 ka bachcha lagta tha
Awaz—dekh rishabh mai isiliye niche nahi aa raha tha....ab khud hi dekh le inko meri jawani aur mere pahalwani sharir ko dekh kar ye dono mujhe line maar rahi hain
Ladki 1—rishabh parichay nahi karaoge apne dost ka....aur ye yaha kaise pahuch gaye... ?
Rishabh—iska naam arjun hai...magar pyar se log ise naughty kahte hain...kyon ki ye shararte bahut karta hai...ye mera bachpan ka sathi hai...mujh par jaan chhidakta hai....ha thoda bewkoof jarur hai....baki khubiya raste me malum chal jayengi
Ladki 2—phir aap dono ka sath kaise chhut gaya.... ?
Rishabh—mai to akela hi ghar se nikla tha...ye mujhe khojte talaste yaha aa pahucha
Naughty—dekh rishabh ye dono baar baar mujhe dekh kar has rahi hain..agar mujhe gussa aa gaya to phir na kahna
Rishabh—vo tumhe dekh kar khush ho rahi hain...isme gussa hone wali kya baat hai... ?
Naughty—nahi agar inko meri pahalwani aur jawani par shak hai to mai bhi taiyar hu..bol do aa jaye maidan me kushti ladne
Rishabh—ladkiyo ke sath kushti karke pahalwani dikhaoge
Naughty—ji haa…kal ke ladke ho tum..abhi nahi samjhoge…abhi aurato se pala nahi pada hai tumhara ….. meri ek nasihat hamesha yaad rakhna ki dus mard se ladne me koi mushkil nahi hai magar ek aurat se muqabla karna jara tedhi kheer hai
Rishabh—sach hai….sach hai…..lekin ye to batao ki tum yaha jungle me kaha se paida ho gaye…?
Naughty—tum to chup chap ghar se nikal bhage…socha hoga kibas ho gaya koun khojta hai…? Lekin ye bhul gaye ki mai 40 kam 100 kos dur se tumhari khushbu soongh leta hu…bas aa gaya khojte huye…mai to darr raha tha….(phir thoda ruk kar)..ram ram…darr kis baat ka…mai to kisi se darta hi nahi…aaj kal pata nahi kya ho gaya hai…..mai bolta kuch hu aur muh se nikalta kuch aur hi hai
Ladki 1—shayad apko pata nahi ki is jungle me daku ghumte rahte hain..
Rishabh—ha…abhi hamari muthbhed dakuo se ho gayi thi
Naughty—achcha hua ki mai nahi sath me hua warna ek bhi daku bach ke nahi jane pata
Rishabh—40-50 daku the
Naughty—bas…arey itne to mujhe dekhte hi bhag jate…khair ye sab chhodo…savera hone wala hai…is kinare ka jungle bhi bahut ramnik hai…naav ko kinare lagao…tab tak mai bhaang peesta hu…tum bhi piyo aur in dono ko bhi pilao….ye bhi kya yaad karegi ki kabhi kisi pahalwan ki bhaang pi thi
Rishabh—theek hai
Rishabh ne naav ka rukh kinare ki taraf kiya hi tha ki tabhi geedad (siyar) ke chillane ki awaz aane lagi
Naughty—bas..bas…nahi..nahi…idhar nahi aur aage chalo..yeh jungle kisi kaam ka nahi hai..aage wala ghana jungle theek rahega
Ye sun kar dono ladkiyo ke sath sath rishabh bhi jor jor se hasne laga
Naughty—bas baat ko socha nahi aur has diya….tum logo ko kya lagta hai ki mai siyar se darr gaya mai kisi se nahi darta
Uski is baat ne phir se sab ko hasa diya…rishabh to janta tha ki naughty bahut darpok hai…lekin baat banane se nahi chukta…. vo to uski dosti ke karan yaha tak aa pahucha
Jab se rishabh ne in dono ladkiyo ki phansi aur kabra se jaan bachayi aur chaand ki roshni me inki surat dekhi tabhi se vo inka ashiq ho gaya
Vahi dono ladkiya bhi rishabh ki oor akarshit ho gayi thi….unhone ne bhi soch liya tha ki vo ab rishabh ka sath kabhi nahi chhodegi
Rishabh—aap dono bhi to apna parichay do ab
Ladki 1—ye meri chhoti bahan hai Gulab aur mera naam hai MOHINI
|
|
|
Post by kabir on Dec 29, 2018 16:28:45 GMT 5.5
mast update hai bhai . baria update likhi hai apne . Keep continue . all the best . take care bhai …….
|
|
|
Post by kabir on Dec 29, 2018 16:29:37 GMT 5.5
we will wait for next update bhai ……..
|
|