Post by jmianshul on Mar 26, 2018 15:44:09 GMT 5.5
Last Update
Salma aur Iqbal kamre ke andar aaye to Rajan ne muskurakar unki taraf dekha. Baithne ke baad Iqbal bola, “Hum logo ka istifa swikar karo.”
“Kya matlab ?”
“Hum dono bhagve vastra pahankar himalay ki choti par tapasya karne ja rahe hai.”
“Kyu?”
“Taaki aatma aur parmatma ka bhed maloom ho sake. Kyo Sallo ji ?”
“Jaha tum waha mujhey jana hi hoga Ikko ji.”
“Yashpal ke purane bangle par nahi jaaogi?”
“Nahi! Waha Madhu ki aatma raat me darati hai aur pateele me billi ki khopdi ubalti hai. Shukra karo, usne hame jabran khopdi ka ubla hua soup nahi pilaya.”
“Salma yah to bakwas karta rahega, tum batao kya hua?”
Salma ne saari kahani bata di to Rajan bura sa muh banata hua bola, “Moorkh ho tum log. Aaj insane chand par kadam rakh chukka hai aur tum log in bekar ki baato par vishwas kar rahe ho.”
“Vishwas nahi karna chahiye?”
“Nahi.”
“Tum kahte ho to nahi karte, kyo Sallo ji?”
“Correct!”
“To ab batao, hame kya karna chahiye?”
“Rahasya ki khoj. Tum logo ko aatma par dhyan dene ki bajay Yashpal aur uske sathiyo par dhyan dena chahiye.”
“Agar us aatma ne hamari chatni bana di to ?”
“Chatni banana hoti to raat ko bana deti. Tum log jaisa abhinay yaha kar rahe ho, waisa hi abhinay waha jakar karo. Mai chahta hu kit um Salma ke saath milkar iss case ko solve karo.”
“Sallo ji! Aap sun rahi hai?”
“Ha.”
“To chalo, chad jaye suli par. Lekin Rajan, tum yaad rakhna agar hum mar jaaye to hamari kabre sath-sath banana, do-char phool bhi chadhana.”
“Chinta mat karo, agarbatti bhi jala diya karunga.” Rajan muskurata hua bola, “Lekin is tasveer ko apne pass rakh lo.”
Iqbal ne usse tasveer le li, phir use dekhkar chowkta hua bola, “Yah to Madhu ki tasveer hai?”
“Nahi! Yah Lata ki tasveer hai, jo heroine banne aayi thi aur ek raat gayab kar di gayi.”
“To kya ab hame ise bhi talashna hai?”
“Nahi, kisi waqt is tasveer ko Yashpal ko dikhkar uski pratikriya janne ki koshish karna. Yah bhi janne ki koshish karna ki kya yah ladki Lata kabhi uske office me aayi thi?”
“Yani koi lamba chakkar hai.”
“Yahi samajh lo.”
Salma ne poocha, “Shobha dikhai nahi di, kaha hai?”
“Woh bhi ek case par kaam kar rahi hai, ab tum log jaao. Jyada samay barbad karna uchit nahi.”
Salma aur Iqbal ek-dusre ka haath pakde kamre se bahar nikal gaye.
Salma aur Iqbal kamre ke andar aaye to Rajan ne muskurakar unki taraf dekha. Baithne ke baad Iqbal bola, “Hum logo ka istifa swikar karo.”
“Kya matlab ?”
“Hum dono bhagve vastra pahankar himalay ki choti par tapasya karne ja rahe hai.”
“Kyu?”
“Taaki aatma aur parmatma ka bhed maloom ho sake. Kyo Sallo ji ?”
“Jaha tum waha mujhey jana hi hoga Ikko ji.”
“Yashpal ke purane bangle par nahi jaaogi?”
“Nahi! Waha Madhu ki aatma raat me darati hai aur pateele me billi ki khopdi ubalti hai. Shukra karo, usne hame jabran khopdi ka ubla hua soup nahi pilaya.”
“Salma yah to bakwas karta rahega, tum batao kya hua?”
Salma ne saari kahani bata di to Rajan bura sa muh banata hua bola, “Moorkh ho tum log. Aaj insane chand par kadam rakh chukka hai aur tum log in bekar ki baato par vishwas kar rahe ho.”
“Vishwas nahi karna chahiye?”
“Nahi.”
“Tum kahte ho to nahi karte, kyo Sallo ji?”
“Correct!”
“To ab batao, hame kya karna chahiye?”
“Rahasya ki khoj. Tum logo ko aatma par dhyan dene ki bajay Yashpal aur uske sathiyo par dhyan dena chahiye.”
“Agar us aatma ne hamari chatni bana di to ?”
“Chatni banana hoti to raat ko bana deti. Tum log jaisa abhinay yaha kar rahe ho, waisa hi abhinay waha jakar karo. Mai chahta hu kit um Salma ke saath milkar iss case ko solve karo.”
“Sallo ji! Aap sun rahi hai?”
“Ha.”
“To chalo, chad jaye suli par. Lekin Rajan, tum yaad rakhna agar hum mar jaaye to hamari kabre sath-sath banana, do-char phool bhi chadhana.”
“Chinta mat karo, agarbatti bhi jala diya karunga.” Rajan muskurata hua bola, “Lekin is tasveer ko apne pass rakh lo.”
Iqbal ne usse tasveer le li, phir use dekhkar chowkta hua bola, “Yah to Madhu ki tasveer hai?”
“Nahi! Yah Lata ki tasveer hai, jo heroine banne aayi thi aur ek raat gayab kar di gayi.”
“To kya ab hame ise bhi talashna hai?”
“Nahi, kisi waqt is tasveer ko Yashpal ko dikhkar uski pratikriya janne ki koshish karna. Yah bhi janne ki koshish karna ki kya yah ladki Lata kabhi uske office me aayi thi?”
“Yani koi lamba chakkar hai.”
“Yahi samajh lo.”
Salma ne poocha, “Shobha dikhai nahi di, kaha hai?”
“Woh bhi ek case par kaam kar rahi hai, ab tum log jaao. Jyada samay barbad karna uchit nahi.”
Salma aur Iqbal ek-dusre ka haath pakde kamre se bahar nikal gaye.