deepak kisi gahri soch me doobta chala gaya.....!!!!!!!
Ghante bhar baad hi khan rehman ko lekar deepak ke samne pesh huaa..,,
khan~: sir.,ye rehman hai.....
deepak ne rehman ko dekha...ye 40saal ke lagbhag ka aadmi tha....sir ke sare bal ud chuke the...khurdhura chehra...chehre lambi daadhi munch...jinke aadhe se jyada baal safed ho chuke the...jinko colour kar rakha tha...jisase baal kuchh jyada orange se nazar aa rahe the....deepak ne kathor nazaro se rehman ko upar se niche tak ghura.
deepak ki nazaro ki kathorta se rehman sihar gaya...uske badan ne ek jhurjuri li....sara sahar janta tha ki insp..deepak ka naam hi kafi hota hai...mujrimo ke chhakke chhut jate hai....deepak bada hi kaaiya aur jurm se nafrat karne wala insan tha...mujrimo ke liye aantak tha....aur is waqt rehman uske samne tha toh shihar uthana laazmi tha.
deepak apni kathor aawaz me bola~: baitho...
rehman darrte darrte kursi par baith gaya.
deepak~: toh tum sarab bechte ho...us ilake me jiska naam ambedkar nagar hai...
rehman~: haan sir...mere pas liecence bhi hai...
deepak~: suna hai pure ilaake me sirf tumhari ekmatra dukan hai...jo sarab bechti hai...
rehman~: jee sir...
deepak~: fir toh har sarabi tumhe janta hai aur tum unhe.....
rehman~: jee..khuda ka karam hai sahab....
deepak~: khuda ka kam aur do no. ke kaamo ka karam jyada hai....
rehman hil gaya...badan me sirhan si doud gayi.
deepak~: daro mat...tumhe girftaar nahi kar raha hun....bas kuchh janana hai...mere sawalo ke jawab dekar ja sakte ho....magar...
deepak ke is magar ne rehman ka haal aur bura kar diya...rehman ke mathe par pasina chalak aaya.
deepak~: magar tumne ek bhi sabd jhoot kaha ya kuchh bhi chupaya toh tum aaj ke baad kisi ko nazar nahi aaoge....!
rehman ki himmat hi nahi huyi ki wo kuchh kah pata...chupchap apne andar ke darr par kaboo pane ki koshis karta raha.
deepak ne marne wale saato logo ki tasveere uske samne daali aur bola~: inhe toh tum jante hi hoge...?
rehman~: jee sir janta hun...ye usi ilaake ke rahne wale the...aksar sarab kharidne aate rahte the...!
deepak ~:jis din inka qatl huaa...us din bhi aaye the...?
rehman~: haan sahab...us din ye sab ek sath aaye the....safed colou ki max gaadi me....!
deepak~: hhmmmm....kul kitne log the...tumne dekha tha..?
rehman sochte huye bola~: sahab...lagbhag 9-10 log honge.....
deepak~: pakka...?
rehman~: haan sir ...pakka 9-10 log the...mujhse 4 bottel kharidi thi..jiske paise bhi nahi diye the...kah rahe the aaj party hai....khub enjoy karenge aur paise baad me denge....!
deepak~: marne wale sirf 7 log the...baki ke koun the...? kya tum unhe jante ho...?
rehman~: jee sahab...ek satpal tha aur dusara dharmpal tha teesara sayad gaadi wala tha jise maine pahli bar dekha tha...
deepak~: kis baat ki party mana rahe the...tumne puchha nahi...?
rehman~: ye sab ek hi gang ke log the....jab bhi koi naya kaam,karke aate...party manate...inka lagbhag roj ka kaam tha...jis din jo bhi kaam karke aata..party deta tha...ye parti gaffar ne di thi...jo mara gaya tha.
deepak~: us din kounsa kaam karke aaye the..?
rehman~: ye toh pata nahi sahab...par wo log kah rahe the ki gaffar ne ek bada kaam kiya tha jiska use inaam bhi bada mila tha,...sirf itna bataya tha unhone....!
deepak~: aur kuchh batana chahte ho...?
rehman~: nahi saheb...aur kuch bhi nahi maloom hai mujhe....!
deepak~: thik hai....un dono ke pate note karwa do....
rehman ne satpal aur dharmpal ke patte note karwaye aur bola~: kya main ab ja sakta hun...?
deepak~: haan ..jaroor jaao...aur jate jate meri baat kaan kholkar suno....ye jo tum do no. ke kaam karte ho...fatafat chhod do...varna ye D tumhara haal vaisa hi karega jaisa baki logo ka kiya hai....agar D ke hatho se bach gaye toh police ki goli ka shikar ho jaoge....tumhari bhalaai isi me hai ki tum jaldi se apna raasta badal lo....samjhe..?
rehman ne thook gatkate huye mari si awaz me kaha~: jee sahab.
deepak~: dafa ho jaao.
rehman apne sar par rakhkar bhaga....mano kahi kuchh der aur ruk jata toh deepak use goli mar deta...
deepak rehman ke diye pate par jane ki taiyari karne laga.....tabhi khan hazir huaa..
khan~: sir ...rto ki report aa gayi hai....ye gaadi dharmpal ke naam registerd hai pata hai.....!
deepak~: pata mujhe mil chuka hai...chalo jara is dharmpal ka haal chaal jante hai....
itna kahkar deepak ,khan aur do hawaldaro ke sath dharmpal ke ghar ki taraf ud chala.....!!!!!
Deepak apne dal bal ke sath dharmpal ke ghar pahuncha....ye ek common sa ilaka tha....aam logo ke aam se ghar...mamuli rahan rahan sahan....
magar dharmpal ka ghar anya gharo se jyada bada aur sundar tha....
is waqt deepak uske ghar ke samne khada tha....ghar ka darwaza khula pada tha....matlab,dono palke bhide the....darwaza andar se band nahi tha.
deepak ne idhar udhar dekha....abhi sham ke 4 hi baje the....aaspas chahal pahal thi.....
deepak ne darwaze ko dhakka diya....darwaza khulta chala gaya....andar ka nazara dekh sabke hosh ud gaye....
andar wahi haal tha jo pahle kai bar dekha tha...
ek laash,latak rahi thi...ulti....wahi sine se shirt gayab....sine par D guda huaa....chakoo se gala kaata gaya.....pure ghar ka saman bikhra pada tha...sayad marne wale ne hathapai ki thi....
deepak samjh gaya ki jiski talash me wo aaya hai,ye wahi hai...dharampal jo mar chuka hai...
deepak ko gussa aaya....sala sirfira humse do kadam aage hai...har saboot ko mitata ja raha hai....aur mera hi department meri thokne pe toola hai.....deepak ne mann hi mann budbudaya.
tabhi deepak ki nazar laash par padi...laash ke hath me ek kaagaj tha...jo ki har bar hota tha...deepak ne kagaj liya aur use khola likha tha~: welldone...insp.deepak...mere anuman se kuchh jyada hi jaldi pahunche...magar fir bhi late ho gaye...khair tum toh kya tumhara poora department bhi milkar in mujrimo ko nahi bacha sakta ....inhe main mout ki DISHA dikha kar hi rahunga...
tum sayad soch rahe hoge ki main tumhe kyu challange kar raha hun...wo isliye ki tum inko bachane ki koshis me mere raaste me aa rahe ho...jo mujhe katai, gawara nahi...chunki tum ek imandaar insan ho ..isliye maine tumhe ye batana jaruri samjha....
ek khash khabar aur deta hun tumhara agli talash ko tumse pahle hi rafa dafa kar dunga...agar pahunch sakte ho toh pahuncho....
mujrimo ki mout...
"D".....!!
deepak ka chehra gusse me sulag utha....uski muthiya bhinch gayi....aankho se angare barsane lage....deepak ke munh se jaise aag nikli ho ..gurraya~: mr."D"duniya ke kisi bhi kone me chup ja ..ye deepak vaada karta hai tujhe dhundhkar nikal.. hi lega...!!
"kya huaa sir...khan ne puchha.
deepak~: khan...tum yahan ki har cheez se fingerprint uthane ki koshis karo....aaspas ke sabhi logo se puchtach karo....main satpal ko bachane ja raha hun...
khan~: main samjha nahi sir...
deepak~: uski jaan khatre me hai...baki sab baad me bataunga...abhi jo maine kaha hai wo karo....
khan~: jee sir.
deepak apni jeep me sawar huaa,aur satpal ke ghar ki taraf chal diya....wahan pahuncha toh jaisi ummed thi vaisa hi huaa...
satpal ki laash bhi pankhe se ulta latki huyi thi....wahi chhati pe D likha huaa...gata kaata gaya tha...wahan bhi deepak ko letter mila,likha tha~: sorry...insp. tumne aane me der kar di....par koi baat nahi...inka ek sathi aur hai sayad wo tumhari koi madad kar paye...tumhe koi DISHA dikha paye...kahi aisa na ho ki us tak pahunchane me der ho jaye...
khair...uski mout ka subh samay kal sham 6 baje ka hai....tumhare pas 24 ghante se jyada ka samay hai,...bacha sakte ho bacha lo....
mujrimo ki mout
"D" !!!
deepak ka gussa aur bhadak gaya....wo samjh gaya ki yahan bhi D ne koi saboot nahi chhoda hoga....
"ab mujhe jald jald us teesare saksh tak pahunchna hoga...samay kam hai....par kaise mere pas toh koi surag nahi hai...par chahe kuchh bhi ho mujhe use bachana hi hoga....deepak soch me doob gaya...fir khud ko sambhala aur apni karywahi me joot gaya....!!
Deepak mile sare letters aur sabooto ka nirikshan kar raha tha....usne khan ke sath rehman ko bulwaya....ek scatch artist ki madda se us teesare saksh ka huliya banwaya....scatch kafi had tak pahchanane layak tha...rehman ne huliya kafi bariki se bataya tha jisase us saksh scatch banane me kafi aasani huyi.
rehman mouka our permission milte bhag choota.
deepak~: sab police station ki help lo....apna record check karo...kuchh bhi karo...mujhe is aadmi ka jald se jald pata chahiye...wo bhi dophar se pahle samjhe...;?
khan~: yes sir.....!
itna kahkar khan us saksh ki khoj me lag gsya.
deepak ka dimag bhanna raha tha,,,,..uske 5 saal ke carier me kisi ne yun challange nahi kiya tha...haan shuru shuru me jab nayi joining thi tab jarur dhamkane ki, darrane ki koshis ki gayi thi...magar deepak ne un logo ka wo haal kiya ki fir kisi ne uski taraf aankh uthakar bhi nahi dekha...jiska naam hi mujrimo ki haalat kharab kar deta tha....
aaj usi deepak ki haalat gusse se behaal thi....us D ke challange se deepak bhannaya tha....wo puri raat so nahi paya....D ko uljane ke ,fansane ke tarike sochta raha tha....wo lakh chahkar bhi us saksh ka pata nahi laga paya...jise D aaj sham 6 baje maarne wala tha....
deepak Dke chhode wo letter padh raha tha..,tabhi deepak ki aankhe chamak uthi...usne sare khat ek line me rakhe....sare letter typewriter se type kie huye the.....abhi bhi wo letters me uljha tha ki...
"namaste sahab.....
deepak ne gardan uthakar aane wale ko dekha...samne jaggu khada tha...
deepak~: are jaggu...aao baitho...!
jaggu samne ki kursi par baith gaya.
deepak~: itna waqt laga diya tumne...kuch pata chala...?
jaggu~: sahab....kaam kuchh jyada hi tedha tha...waqt toh lagna hi tha...sorry thoda let ho gaya.
deepak~: koi baat nahi....kya pata chala...?
jaggu~: ye sirfira koun hai ye toh pata nahi chala hai sir.....itna pata chala hai ki ye jurm ki duniya ko 3 saal pahle chhod chuka tha.....fir ye jurm ki duniya me kyu kooda ...kisi ko nahi pata....
deepak~: ye toh hume pahle se andaza tha....koi khas jankari mili hai kya...?
jaggu~: ye bhi pata chala haiki in gungo ka leader hai...boxer bhai...jo sare gairkanooni kaam oprate karta hai....jiska sambandh mumbai underworld se hai...
deepak~: toh...?
jaggu~: sahab...pahli dhamki is sirfire ne boxer bhai ko di thi....sunane me aaya hai ki D ne jo dhamki boxer bhai ko bheji thi ..usme likha tha ki" tumhari jindgi ki DISHA bhatak chuki hai...tum jaise log samaj ke liye kalank ho....tum jaise logo ko jinda rahne ka koi haq nahi hai...main tumhe mout ki DISHA dikhunga....magar usase pahle tumhare un tamam gurgo ko aisi mout dunga ki tumhari roih kaamp uthegi.....
mujrimo ki mout
"D" ...!
deepak uchala~: kya...pahli dhamki usne boxer ko di thi..
jaggu~: haan sahab...magar boxer ne nazar andaz kar diya...dusra wo nahi chahta tha ki ye baat bahar nikale..jisase ki uska dabdaba kam ho jaye....par uske itne aadmi mare jane ke baad , aakhir baat leak ho hi gayi.
deepak~: hmmmmmm.
jaggu~: ek baat aur pata chali hai sir...
deepak~: kya ?
jaggu~: aaj boxer bhai ne sahar ke tamam gundo ke sath ek meeting rakhi hai...jisme D se chhootkara pane ka koi raasta nikala jayega....
deepak ne wo scatch jaggu ko dikhaya aur puchha~: kya tum ise jante ho...;?
jaggu ne kuchh pal gour se dekha aur bola~: haan sir...ye pangaa hai....boxer bhai ka khas aadmi....
deepak~: ye pangaa rahta kahan hai...?
jaggu~: ye toh nahi pata sahab...ye satta bazar me matke ki dukan (juaa) chalata hai....jo boxer bhai ka hi hai...is waqt bhi wahi milega.
deepak ne kuchh paise jaggu ke mana karne ke baad bhi uski pocket me thoons diye aur bola~: thankss jaggu...apna khyal rakhna aur aankhe khuli....kuchh bhi pata chale ..turant suchit karna.
jaggu~: jee sahab....itna kahkar jaggu chala gaya.
jaggu ek anath tha....kuchh mahoul aur buri sangat se wo galat kaamo me involve ho gaya...kai bar jeb kaatne ke jurm me pakda gaya....ek baar kuchh dundo ne jaggu ko marna chahte the tab deepak ne use bachaya....deepak ko ladka dil ka saaf laga.....use is gandgi se nikal koi chhota mota kaam karwaya.,,,ek choti si dukan ....jaggu ko deepak ka aisa asar huaa ki wo use apne bade bhai ki tarah manane laga....ab wo jo bhi kaam karta sirf polce deepak ki mukhbiri karta aur imaandari se apni dukan chala raha tha......wo sudhar chuka tha.
jaggu ke jane ke baad deepak fir soch me doob gaya....!!!!!!