deepak~: baki ke sawal baad me karna khan...mujhe samjhne do....aakhir ye huaa kaise...
Deepak aur khan police headquaeter pahunche......yahan pas bane makaano me ..jo ki police colony thi....rahne ka intzaam tha...
dusara har roj inhe yahan report karna hota tha...
magar khan fir uljh gaya....is waqt yahan aana uski samjh me nahi aaya....aakhir khan ne puchha~: sir....meri samjh me nahi aa raha hai ki aakhir aap yahan kyu aaye hai....jabki hum subah report kar chuke hai.....
wo us makaan tak pahunch chuke the...jo unhe rahne ke liye mila huaa tha...
khan dekh kar chounka....darwaza sirf bhida tha....bahar ki kundi lagi huyi nahi thi....
deepak ne darwaza kholte huye kaha~: jaao canteen do chaay bolkar aao....
khan kuchh kahna chahta tha par khamosh raha...chupchap canteen ki taraf chal diya...
deepak room me pade single bed par adhleta sa ho gaya.,...wo gahri soch me dooba tha.
tabhi khan chaay lekar lout aaya...ek cup deepak ko diya aur dusra khud le liya aur ghoonth lagane laga.
tabhi khan bola~: aapne meri baat ka jawab nahi diya....sir
deepak~: aannnn.....
jaise kisi gahri nind se jaaga ho.
deepak~: kya ?
khan~: mere sawal ka jawab...
deepak~: sidhi si baat hai khan....D abhi humari pakad se bahar hai....usase pakdane ke liye jaroori hai ki humare jism pe vardi rahe...
khan~: main samjha nahi sir....?
deepak~: daaga ..humari custudy me mara gaya hai....agar is waqt pakade gaye toh hotel staaf hume pal bhar me pahchan jayega....fir na vardi rahegi,...na D ko pakadne ka sapna....iske liye jaroori hai ki pahle khud ko bachaye taki jo vaada khud se kiya...use poora kar sake....is galati ka iqbale jurm baad me bhi kar sakte hai.....
khan~: hunnnn.....
khan mano sari bate samajh gaya ho.....
iska matlab ki deepak apni aamad sabit karne ke liye hi yahan aaya tha taki kisi ka ratti bhar bhi shaq unpar na aaya....
khan khuchh aur bhi puchne wala tha tabhi deepak ka mob baj utha...
dhoom...dhoom.......
deepak ne call conect kiya aur kaan se laga liya....samne se pratap ki aawaz aayi~: kahan ho...?
deepak ~: polce hq hun...kya baat hai....
samne jo kaha gaya...sunate hi deepak uchhal pada~: kyaaaaa...?
kab....
kaise....?
samne se kuchh kaha gaya...
deepak~: thik hai...main pahunch raha hun.....
khan bhi deepak ko chouka dekh samjh gaya ki koi badi baat hai....par kya....aakhir khan ne puchha~: kya huaa sir....?
deepak~: chalo...raaaste me batata hun....
dono bahar nikale...darwaze ki kundi lagayi aur apni car me sawar hokar pratap ki taraf ud chale.....!!!!!!!!
aakhir kya kaha hoga pratap ne....kya mazra tha Deepak khan ke sath police station pahuncha...
police thane ki hulchal dekhkar hi andaaza ho gaya tha ki yahan kuchh bada lafda huaa hai..!
deepak sidha pratap ke office pahuncha...
pratap telefone par kisise baat kar raha tha..
deepak aur khan kursiyo par baith gaya....
pratap ne baat khatm ki aur aah bharkar kursi par baith gaya..
kya huaa tha..? deepak ne puchha.
kya bataau yaar...,meri toh khat khadi ho gayi hai,...jawab dena muskil ho raha hai...uparwalo ne naak me dum kar diya hai....pratap ne sar ragdate huye kaha.
kaise huaa...kuchh bataaoge...deepak chidhte huye bola.
wo ,...ansari ko yahan se dusari jagah sift kiya jaa raha tha...magar...pratap bola.
magar...,?
humare sipahi aur s.i. gokhle ansari ko lekar jaa rahe the.....tabhi raaste me ansari ke logo ne humla kiya aur ansari ko le ude.....us humle me humare 2 sipahi ghayal jo gaye....aur ansari ke aadmi ansari ko bhagane me safal rahe....,pratap ne kaha.
kitne log the...? deepak ne puchha.
dhang se kuchh nahi pata....humare aadmiyo ka kahna hai ki sirf 2 log the...jyada bhi ho sakte hai....pratap ne kaha.
kya matlab...2 aadmi...? deepak aashcharya me bola.
wo kya hai na...jinhone ansari ko udaya...pure plan aur taiyari se udaaya tha....ek perfect plan aur poori taiyari ke sath.....pratap sarmindgi me bola.
huaa kaise...jara bataaoge.....deepak sayad ukta sa gaya tha.
humare hawaldaro ne bataya tha ki jab wo ansari ko lekar ja rahe the....toh raasta block mila,...sadak ke kinare ka koi ped sadak par gir aaya tha....majbooran gaadi ko ..mera matlab hai ki ven ko rokna pada....isase pahle koi samjh pata...ek dhamaka sa huaa...ven me dhoonaa bharta chala gaya..aur humare aadmi
behosh ho gaye....humare do sipahi ne apne roomal munh par rakh liye the...wo behosh toh nahi huye par nashile dhooe ki chapet me aa chuke the...tabhi unhone humla kiya...rokne ki koshish me dono ghayal ho gaye...aur ansari ko lekar wo gayab ho gaye....pakke se kuchh kaha nahi jaa sakta ki kitne log the....kitne bhi ho.,..saalo ne meri band bazaa di....pratap pareshan sa bola.
hmmmmm....deepak aur khan dono ke munh se nikla.
khan aur deepak ki nazare mili ...deepak chounka,..jaise use kuchh yaad aaya ho....bola~: tum kaise kah sakte ho ki wo ansari ke hi aadmi the....?
matlab....pratap kuchh na samjhne wale andaaz me bola.
matlab..ye hai ki ansari ke sare sipahsalaaro ki game D baja chuka hai...fir aisa koun hai jo ansari ko bhagane ki koshish karega....deepak bola.
khan aur pratap dono uchal pade....ek sath....dono ke munh se nikla~: iska matlab ye hai ki..........
.,...wo D ho sakta hai......baki ki baat deepak ne poori ki.
fir toh ansari gaya....khan ne kaha.
maine sahar se bahar jaane wale sabhi raasto par naaka bandi karwa chunka hun....ansari ke har thikaane par chaapemari ho rahi hai....main bhi jaa raha tha.....bas tumhare liye rooka tha...chale....!
deepak ne kaha~: nahi pratap....ho na ho wo D hi tha.....naaka bandi se kaam nahi chalega pratap.....kuchh police teamo ko sahar ke andaruni hisso me bhi bhejo....ansari sahar me hi kahi milega....jaldi karo pratap.....agar der ho gayi toh ansari ka haal bhi baki logo ki tarah hoga....aur fir D hume kabhi nahi milega,....!
hmmmmm....pratap ne haami bhari.
chalo chalte hai....pratap kahte huye uth khada huaa...
sath deepak aur khan bhi pratap ke sath ho liye......
abhi wo gaadi me sawar hokar thane se nikale hi the ki pratap ka mob baja....
pratap ne apna mob nikala ...call connect kiya aur kaan se laga liya....
hello....pratap speaking....
samne se jo kaha gaya...use sunkar pratap utsahit ho gaya....uske chehre ke bhaav jahir kar rahe the ki koi achchhi khabar hai.....
pratap kuchh der sawal karta raha aur phone rakh diya...
kya baat hai...khush lag rahe ho....deepak ne puchha.
khabar hi aisi hai....tum bhi sunoge toh khush ho jaaoge....pratap ne kaha.
aisi kya khabar hai sir......khan ne pucha.
pratap jo bataya....use sunkar deepak aur khan bhi khush ho gaye....
kiska phone tha....deepak ne ab puchha...jo sabse pahle puchna chahiye tha.
meri khabri ka....pratap ne kaha aur driwer ko aadesh dene laga ki kahan chalna hai.......!!!!
aisi kya khabar thi jo aise haalat me bhi teeno ko khush kar gayi....?? Deepak aur khan...pratap ke sath sahar ke bahri ilaake me pahunche......
yahaan jyadatar logo ke farmhouse the.....
ek harmhouse se dusre farmhouse me itni doori thi ki ek dusare par nazar rakhna sambhav nahi tha....
kahi kahi ilaaka khandhar jaisa veeran pada tha...sayad inke maliko ko inhe taiyar karne ki koi jaldi nahi thi....
paas se gujrane wale hiway ko chhodkar yahan kuchh khas chahal pahal nahi thi....koi ikka dukka log hi nazar aate the....!
pratap ne ek farmhouse se thoda pahle gaadi rukwayi....tabhi pichhe se ek ladka jo 23 -24 saal ka, sadharan kad kathi....sanwla rang doudta huaa aaya.....aakar pratap ko namaste kiya.....
pratap~: kahan dekha tha...?
ladka~: saheb.....ek car thi...white colour ki...zen.....usme 2log sawar the.....car ke shishe plen the......main sahar jaane ke liye kisi vaahan ka, lift ke liye kada tha....tabhi wo gaadi aayi.......gaadi ki raftaar kafi tez thi....isliye meri nazar us par chali gayi...
ladke ne anguli se ishara karte huye kaha ki....wahan par usne break lagaye.....break lagane se charmarahat ki tez aawaz gunji.....gaadi fir us khandhar ki taraf chali gayi.....
gaadi chalane wale ko toh main nahi pahchanta..par pichle seat par ansari ko main pahchan chuka tha...kuchh aur dekh pata...usase pahle hi gaadi udhar chali gayi....maine wahan jaane ke bajay aapko call kiya.
pratap~: sahi kiya tumne....humara yahi intzaar karo...kahi jaana mat....samjhe ?
ladka~: jee saheb....!
pratap ne deepak aur apne staaf se kaha~: taiyar ho jaye....hum dhaava bolne wale hai....
fir police jeep udhar hi chali gayi...jidhar us ladke ne ishara kiya tha....
main road se ye khandhar lagbhag 700 meter se jyada ki doori par tha....uske aas pas purane khandhar jaise hi makaan the.....kafi door door ke baad....wahan logo ki moujudgi na ke barabar thi....kaaran saaf tha...hiway par hi farmhouse aabad the....ye andar ka ilaaka tha....so yahan tak wo moolbhut suvidhayen bhi nahi thi....sayad ek ye bhi bada kaaran ho sakta hai...
car ke tyres ke nishano ka pichha karti gaadi ek khandhar ke aage se hokar piche ki chakkar kaat kar vaapas unhi nishaano par aa gayi...jidhar se wo aaye the...pratap ne gaadi rukwayi....!
pratap~: lagta hai gaadi yahan thodi der rooki aur aage badh gayi.....is khandhar ko check karte hai.....
deepak~: sahi kaha.....yahan jaroor kuchh na kuchh milega......kahi ansari...?
pratap~: chalo jaldi chalo.....
sab bandook se nikli goli ki tarah khandhar ke gate ki taraf bhage...jo dusari taraf tha....
sare fail jaao....ek ek kona check karo,....pratap chillaya.
khandhar kafi bada tha....apne jamaane ka aalishan mahal ya kothi kah sakte hai....magar aaj ye durdasha ka shikar ho gaya tha....
sab alag alag fail gaye aur talaash me joot gaye....
"sir....yahan aaiye....ye aawaz khan ki thi...jo paas ke kisi room se pukaar raha tha.
sab wahan pahunche....andar ka nazara dekh hil gaye.....
andar ansari ki laash ek hook se latak rahi thi....ulti.....sine se shirt gayab,....chhati pe wahi D guda huaa ......ek alag baat ye thi ki ansari ko jagah jagah par chakoo se goda gaya....dekhkar hi lag raha tha ki marne se pahle ansari ko badi taqleef.,.bade dard ka samna karna pada hai....use tadpa tadpa kar mara gaya hai......
sabne khandhar ka kona kona khangal daala...magar koi suraag nahi mila.....jo unhe D tak pahunchane me help kar sake...
bhawan me jami dhool par jooto ke nishan tak nahi the...sayad hatyare me mita diya.....
fir ambulence me daalkar ansari ki laash ko postmortem ke liye bhej diya.....police ki baki ka staaf wahan khoj bin me joot gaya....
khan khandhar ke bahari hise ki taraf aaya...yahan aakhir sidhi par kisi jaate huye sakhs ke jooto ke nishan the.....fir ek kadam ki doori par gaadi ke nishan......khan ki aankhe gol ho gayi,....wo gahree soch me doob gaya,...
police ne kafi chanbin ke baad loutne ka nishchay kiya.....aur lout aayi......ab sabke dimag me ek hi naam hathode ki tarah baj raha tha....D....D....D...!!!!!!!!!
pratap us ladke yani khabri ke sath vapas lout aaye...
pure sahar me ye baat , jungle me aag ki tarah fail chuki thi...
sahar me hulchal si mach chuki thi......jahan police D ko khangaal rahi thi....wahi reporter aur public sach sunghne ki koshish me thi....
pratap thane pahuncha....wahan patrkaaro ki bhid jama thi....jo pratap ka hi intzaar kar rahi thi aur paratap ko aate hi gher liya....!
ab sawalo ki bouchaar si hone lagi...
kya ye sach hai...ki D ansari ko police hiraasat se uda le gaye aur unka murder kar diya "....ek reporter bola.
"kya police so rahi thi....agar din dahado police ke panjo me bhi kisi ka murder ho sakta hai...toh aam aadmi kahan tak surkshit the.....dusara reporter bola.
"kya hum jaan sakte hai ki ye D ko police kabhi pakad bhi payegi.....ek aur reporter bola.
"ya yunhi D laashe girata rahega.....ek aur reporter bola...
is tarah danadan sawal daagne lage....
pratap ke pas koi jawab nahi tha....
plz,...hume apna kaam karne dijiye....aap ko sari suchana baad me de di jayegi....pratap ye kahte huye thane me ghus gaya.,..aur hawaldaaro se bola~: in sabko hataao yahan se.....!!
hawaldaaro ne reporters ko dhakelna shuru kar diya.
pratap aur deepak haare huye juaari ki tarah apna sar pakad baith gaye.....
D ko pakdane ka ek matra jariya tha,...ansari , aur wo duniya chhod chuka tha....ab unke pas aisa koi raasta ya saboot nahi tha jiske dum par wo D ko pakad pata.
fir wahi huaa...jiska pratap ko darr tha....uske aala afsaro ne pratap ko talab kiya aur usko jamkar khari khoti suniya aur use ek anischit time ke liye barkhast kar diya gaya...
aakhir un par bhi media aur janta ka dawab tha....unhe majbooran pratap ko barkhast karna pada...
anischit kaal ke liye barkhast ka matlab tha...ki pratap ko pata nahi kab tak vapas bulaya jaata......mahina saal....10 saal..kuchh pata nahi...ya ho sakta tha agle hi mahine use vapas bula liya jaye...!!
khair...pratap ka game D baja chuka tha....abse pratap ghar par aaram karne wala tha...!
aakhir deepak aur khan pratap se vida lekar thake kadmo se gaadi ki taraf badhe aur vapas apne sahar delhi loutne lage......
kahi na kahin deepak ko bhi andaaza tha ki uske sath bhi pratap jaisa hi salook hoga....
khan aur deepak delhi loute aur sidha sp ke samne pesh huye...
sp ka gyan darshan shuru ho chuka tha.....
khan aur deepak dono khamosh sp ka bhashan sunate rahe....aakhirkar deepak ko bhi 1 saal ke liye dismis kar diya gaya.
ab deepak bhi ghar aaram karne wala tha.
khan ko aakhiri chetavani dekar chhod diya ,....
D aaj bhi gayab tha....sab mujrim jo D se jude the maare ja chuke the....aur case se jude dono insp..dismis ho chuke the....
is baat ko poora ek hafta bit chuka tha,...
deepak ki jagah khan ne police station ka charge sambhal liya tha.
ab dhire dhire sab is maamle ko bhoolne lage.....D ke jurm ki file bhi baki files ke dher me saja di gayi...jo ki aaj tak kabhi suljhi hi nahi thi....!!
magar ek saksh abhi bhi aisa tha , jo abhi bhi is mamle ki tah tak pahunchane ki firaak me hath pair mar raha tha....pata nahi uske dimag me kya chal raha tha...??
ab kya bacha tha.....kya koi raaz tha jo chupa huaa tha....wo saksh koun tha aur kya dhundh raha tha.....Dki janm kundli thi bhi ya nahi....kya cheez tha ye D.....;?
The Real Truth OF "D"
Deepak bus stand pahuncha....
koi aane wala tha ,jise wo lene pahuncha tha....
deepak bus stand par idhar udhar nazare maar raha tha tabhi usko wo chehra dikhayi de gaya...jisko wo lene aaya tha.
wo sakhs aur koi nahi pratap hi tha.....
dono ke chehre kush nazar aa rahe the....dono ek dusre ke pas aaye aur gale mile.
deepak~: kaisa hai.....?
pratap~: achchha hun....tum ?
deepak~: thik hun yaar.....
pratap~: aur suna kya chal raha hai...?
deepak": baki baate ghar chal kar karenge.....aaja !
pratap~: main kuchh aur kaam se aaya tha.....pahle nipta lun ...fir aa jaaunga.
deepak~: mujhe kuchh nahi sunana hai....tu ghar chal raha hai...
pratap~: par...meri baat toh sun...
deepak~: ghar par hi sununga....ab chal .
deepak ne pratap ke hatho se bag chinkar car ki diggi me daala aur pratap ko bhi majbooran car me baithna pada.
dono dost halki fulki baate karte huye deepak ke ghar pahunche....
deepak ne lock khola aur andar aa gaye...
pratap~: ab toh shadi kar le yaar....ye soona ghar achcha nahi lag raha hai....?
deepak~: achcha...dekhenge.......tu baith ..main kuchh leke aa raha hun...
deepak ne freez khola aur andar se bear nikali.....fir aakar pratap ke samne baith gaya.....!
deepak~: shadi toh aaj tak tumne bhi nahi ki....kya koi mili nahi kya..?
pratap~: hum jaise failier se koun shadi karega....?
deepak~: kaisi baate kar raha hai yaar....jo huaa ..use bhool ja...!
pratap~: kya tu bhoola paya hai...?
deepak kuchh pal khamosh hokar pratap ko dekhta raha fir bola~: nahi yaar....ye chot toh jindgi bhar dard degi....
pratap~: sahi kah raha hai yaar....saale ek aadmi ne sabko tigni ka naach nachaya ....!
deepak~: sach kahun toh ...ye D kamaal ka insan tha....ek mastermind...jisne hum sabko dhata bata diya aur apna challange poora kar gaya...!
pratap~: kahna padega bhai....vaakai wo ek mastermind tha.....mere jindgi ka pahla aisa criminal...jiske bare me jo bhi soona....saala usase kahi aage ki cheez nikla.
deepak~: ek baat ka afsos hai yaar....?
pratap~: kis baat ka...?
bear abhi tak vaise hi padi thi....dono apni galtiya dohrane me itna magan ho gaye ki bear seep karna hi bhool gaye.
deepak~: sala use pakdana toh door ki baat hai....saale ki janmkundli tak nahi nikaal paye....
pratap~: uparwale ne use shandaar dimag se navaaza tha...jiska istemaal D ne jam kar kiya....
"sahi kaha aapne sir.......
pratap aur deepak dono is aawaz se chonke...pichhe ghumkar dekha toh khan khada muskura raha tha....
deepak~: aao khan....baitho...
khan aakar unke pas baith gaya.....
deepak~: kya baat hai khan....aaj idhar ka raasta kaise bhool gaya....
khan~: mujhe kuchh sawalo ke jawab chahiye tha.....
deepak~: kaise sawal khan...?
khan~: yun samjh lijiye ki aapke liye surprise hai.....
deepak~: ye gol gol ghumana band karo....aur saaf saaf bolo...
khan~: thik hai...par usase pahle ek kahaani sunata hun....
pratap~: kaise kahani....?
khan~: toh suniye......
aur khan ne kahna shuru kar diya..............!!!!!!
khan kya puchhane aaya tha....kya wo koi surprise lekar aaya tha.....kya khan kuchh aur kaam se aaya tha ? Khan ne kahna suru kiya...
ye kahani ek khiladi ki hai....jurm ki duniya ke khiladi ki.....
pratap aur khan khamosh khan ko sun rahe the.
khan ne aage kaha~: ye koi sport ka khiladi nahi tha.....ye jurm ki duniya ka khiladi tha...
naam tha "dev diwan".....sara underworld use diljale ke naam se janta tha...
iske jurm ki duniya me entry ki kahaani ajeeb hai.....
dev....shuru se hi hoshiyar aur aklamand tha.....uske pariwar me sirf 4 log the....
mata...pita...bada bhai aur wo khud.....
maa baap ek sadak haadse me mare jaa chuke the....bada bhai hostel me rahkar padh raha tha.....jab ye haaddsa huaa tab dev ki umra matra 14 saal ki thi.....
dono bhaiyo ne us durghatna ki chanch ke liye kafi chakkar kaate....police ki darwaze khatkhataye.....magar natiza kuchh nahi nikla...
us haadse ke jimmedaar saksh ke bare me kuchh bhi pata nahi chal paya....sayad uska raaz policewalo ne apne sine me hi dafan kar liya....
yahan se dono bhaiyo ki jindgi ne naya rookh liya....jahan bade bhai ne power haasil karne ke liye police ki vardi pahanane ka nishchay kiya....wahi dev ne taqat haasil karne ke loye jurm ki duniya ko chuna.....uske do maqsad the....pahla ..apne mata pita ke gunahgaar ko dhundhna....dusara mujrimo ke dil me khouf paida karna....
dekhte hi dekhte dev apne iraade me kamyab raha.....jurm ki duniya me uska asali naam koi nahi janta tha......kisi ne use "diljala"kahkar pukara...aur wahi naam uski pahchan ban gaya....wo aandhi ki tarah aata aur toofan ki tarah sab kuchh mita kar gayab ho jata...
udhar uske bada bhai....jee tod mehnat kar police me jane me safal raha....
ab dono bhaaiyo ke raaste alag the....magar ek baat common thi.....jirm aur mujrimo ke liye nafrat....jo unhe viraasat me mili thi....dono hi apne apne tariko se jurm ko mitane ki koshish me lage the....
kahte hai...dev apne pariwar ke gunahgaar ko dhundh kar khatm karne me safal raha....udati huyi news suni thi....pakka koi pata nahi tha.
sunane me aaya hai ki wo log bhi jurm se jude huye the....aur wo sirf ek laparwahi ka natiza tha...jisme dev ke mata pita mare gaye the.
fir aaya kahaani me mod........ek naye kirdaar ki entry.......DISHA....jee haan yahi naam tha...disha hegde.....
khan ne ek lambi saans li...!
pratap aur deepak munh faade kahani ko sun rahe the.
khan ne aage kaha~: jaisa naam tha...vaisi hi wo ladki thi....khoobsurat....dilkash aur ek samjhdaar ladki......usne dev ki jindgi hi badal di.....
dono pahli hi mulakaat me ek dusare ko dil de baithe......kahte hai us waqt Dne jurm ki thekedaaro ka koi kaam utha rakha tha...
ab dev ko sirf disha hi dikhayi, deti thi....uska kisi bhi kaam me koi mann nahi lagta tha....dono ki mulakaate badhti gayi.....fir pyar ka ijhaar huaa...dono ek dusare se be inthaa muhhbat karte the....
dev ne ek din disha ko apni kahaani bata di.....pahle disha ko ye bura laga....fir usne dev se shart rakhi ki wo agar sare bure kaam chhod dega toh wo dev ko apna legi.....
wahi huaa...jaisa disha ne kaha....dev ne sab bure kaamo se touba kar li.....jo rakam usne advance li thi....use wo louta aaya.
ab samasya tha sath rahne ki....kyuki us sahar me dev ek criminal tha....mana usko sirf naam se jana jaata tha.....uska koi record police files me nahi tha....magar dushmano ki tadaat kuchh jyada hi thi.
dev ne kai saalo baad apne bade bhai se contect kiya......use sari baat batayi.....
bade bhai ko ye jaankar khushi huyi ki wo sare bure kaam chhod chuka hai...usne dev aur disha ko apne sahar bula liya....aur dono ko rahne ke liye sari vyavsthaye kar di.
fir ek dardnaak vakya huaa...kuchh saalo baad jurm ki duniya ke logo ne use dhundh liya.....kahte hai jurm ki duniya ka asool hai....jis kaam ko hath me lo...use poora karo varna apni jaan dekar uski bharpaayi karo....dev kaam ko adhura chhodkar jo aaya tha.
fir jurm ki duniya ke logo ne hamlaa kiya....us waqt dev ghar se bahar tha....ghar par disha thi....jiska anjaam bahut bura kiya....use janwaro ki tarah nocha aur sadak par faink kar chale gaye....
dev ne jab use dekha toh apna mansik santoolan kho baitha....aur paagal ho gaya.
itna kahkar khan ne ek lambi saans li....mano milo doudkar aaya ho.
pratap aur deepak saans roke uski kahaani sun rahe the....!
tabhi pratap ne kaha~: ek prem kahaani ka itna bura anjaam......
khan~: nahi sir....abhi kahaani apne anjaam tak kahan pahunchi....ye toh interval hai....picture toh abhi baki hai.....!
khan ne apni jeb se tasveer nikali....deepak ko dikhate huye bola~: ye hai....dev.....urf diljala....
deepak ~: toh ye hai ....dev....urf D...!
Khan~: nahi....ye dev hai....diljala hai....par D nahi....!
deepak aur pratap dono uchhale aur ek sath bole~: kya matlab...?
khan~: matlab ye ki ye jabse disha gujri hai....tabse "diwakar mental hospital" me isi haal me hai....na kuchh kahta hai...na kuchh bolta hai...bas soony me ghurta rahta hai...doctor ka kahna hai ki ye apni anguli tak nahi hila sakta.....!
deepak~: toh fir D ka kya chakkar hai....?
khan~: abhi kahaani poori kahan huyi hai sir.......
itna kahkar khan ne fir kahaani ko sunana aarambh kiya....
jaise jaise kahani aage badhti gayi.....vaise vaise dono ki hairat badhti gayi...baar baar dono apni jagah se uchhal padte.......
aakhir D tha koun....khan ko kaise pata chala....kya sachmuch dev bure haal me tha ya uska koi naatak tha... Khan ne fir kahna shuru kiya...
disha urf drishti ke murder ki chhanbin ki gayi tab un sab logo ke naam samne aaye...jo isme shamil the....
magar koi khas result nahi mila....
ye baat aur hai ki us waqt main kisi dusare sahar me tha.....
us police wale ne khoob koshis ki..magar wo saare log apne unchi pahunch par chhoot gaye.....ek aadh ko chhoti moti saja ho gayi....
fir kuchh saal bitne par D prakat huaa aur uske baad ki kahaani aap jante hi hai...
deepak aur pratap khamosh rahe,
khan ne deepak se puchha~: aap jante hai ki ye D ko prakat hone me itna lamba waqt kyu laga ?
koi kuchh nahi bola.
khan~: chaliye main hi bata deta hun....kyuki agar dev hi D hota toh use apne dushmano tak pahunchane me itna waqt nahi lagta....magar chunki wo tha nahi ...isliye D ko sabki kundli nikalne aur unhe khatm karne ki planing me itna arsa nikal gaya.......!!
khan ne lambi saans bhari....
deepak aur pratap abhi bhi khan ko bade gour se dekh rahe the.
khan~: ab shuru huaa D ka qahar.....fir usne ek ek kar sabko marna shuru kar diya......aapko yaad hai sir....?
D har shikar ke pas ek chithi chhodta tha......
deepak~: hmmm...toh ?
khan~: us letter me print har s thoda aadha chapta tha....
deepak~: haan....toh ?
khan~: wo typewritter ka pata laga chuka hun....
pratap~: kahan hai wo....?
khan deepak ki taraf dekhte huye bola~: aap batayenge ya main batau mr..D...!!
jaise koi dhamaka huaa....pratap aur deepak chounke....magar khan ke hontho par muskaan thi..
deepak~: wah...khan...wah....manana padega.....jis D ko pakadna sabke liye namumkin tha....use tumne chutki baja kar pakad liya....manana padega....kafi aklmand ho.
khan~: thanks mr.D....!!
deepak~: tumhe mujh par shaq kaise huaa....?
khan~: aapka pura naam deepak diwan hai.....aur aapke bhai ka dev diwan.....jab humne is khel ki jaanch shuru ki thi toh disha murder case humare samne aaya tha....par uspar aapne gour karna bhi uchit nahi samjha.....
mujhe thoda shaq huaa....
fir ek baar aapne mujhe order type karke diya tha...jo aapke typewritter pe print huaa tha.....
jab aapne daaga ka kidnap kiya aur mumbai le gaye tab mera shaq aur pukhta ho gaya....daaga ko aapne tab mara tha jab main pratap ke ganv ke liye rawana ho rahe the.....aap mujhe controlroom chhod kar hotel gaye aur daaga ka mara aur vapas aa gaye....chunki wo letter kahi type kiya huaa tha....isliye aapne bina padhe hi apni jeb me daal liya tha.
wahan ka choukidaar us din chuti par tha....aapko aisa hi koi mouka chahiye tha....
main hotel walo se pata kar chuka hun ki aapne wo room ek din pahle hi book karwaya tha aur us room ke liye kafi minnate ki thi.
deepak~: hmmmmm...sahi kaha...fir ?
khan~: jab hum line police pahunche toh hume mile ghar ka darwaza pahle se hi khula tha...jab maine aapse puchha toh aapne golmal jawab dekar taala....tab tak mera yakeen pukhta ho gaya......mere dimag me shaq ka keeda panap chuka tha....
yahan loutate hi main iski chhanbin me joot gaya....aapka pichha karte karte main mental hospital pahuncha.....jab dev ko dekha aur uski sari details li toh main chounka....aapke
ghar jakar maine chanbin ki toh wo typewritter mere hath laga......fir sari kahaani saaf ho gayi...meri samjh me aa gaya ki D hi deepak hai....bas saboot jootana baki tha aur baki ka waqt in sabme hi lag gaya.
pratap ki aankhe hairat se fat padi~: kya....deepak tumne......kya tum hi D ho.....?
deepak~: haan yaar....dev hi mera chhota bhai hai......uske liye hi maine har kamine ko chun chun kar mara hai......saale haramjaado ne mere bhai aur uski biwi ki jindgi se khel khela....unka yahi anjaam tha aur maine unhe apne anjaam tak pahuncha diya.
vakai khan....mazaa aa gaya....mujhe khushi hai ki tum jaisa insan mera junior tha....well done khan...well done.
khan~: thanks mr.D....!!
deepak~: par main toh tumhare sath tha toh fir ansari ka murder kisne kiya....police chungal se kisne chudaaya......?
sir....abhi kahani puri kahan huyi hai.....abhi kahaani ka ek hissa shesh hai....
deepak~: fir der kis baat ki....suna do...?
khan~: deepak sir....aapne yahan jitne bhi logo ko maara.....magar mumbai me sivay daaga ke aapne kisi ko nahi mara.....?
deepak~: kya matlab...?
khan ne fir kahna shuru kiya.......!!
agar deepak hi D tha toh fir khan use aadhi film ka hero kyu bata raha tha...kya sachmuch deepak hi D tha ya abhi bhi koi raaz tha jo chhipa huaa tha....kya khiladi tha koun...?? Khan ne kahna shuru kiya....
is kahaani ka pahla kirdaar tha dev....
dusara thi disha....
sahi kaha jaye toh sare khel ki sutradhar yahi thi.....
dev ko jurm ko nikalne wali aur sab mujrimo ko jahannum pahunchane ka kaaran banane wali yahi thi....
khan kahta chala gaya~: iska pura naam main bata hi chuka hun....disha hegde......disha ek engineering ki student thi....padhne me tez tarar aur pyar ki murt thi....
magar uski lagan dev se kya lagi ...uski jindgi hi badal gayi....
disha ke maa..baap aur ek bhai hai....maa baap ganv me rahte hai.....jinko aaj tak bhi disha ki mout ka pura sach maloom nahi hai.....
disha ke gaanv hum ja hi chuke hai...kyu mr D"....?
khan ne deepak ko puchha....!
deepak~: hmmmm.....!
deepak aur munh faade aise khan ki baate sun rahe the jaise bachche alif laila ki kisse kahaniya sunate hai.
khan aage bolna suru kiya~: dev se dil lagakar disha jaise sabko apna dushman bana baithi thi....yahan tak ki uska bhai bhi is rishte ke sakht khilaaf tha.....
is baat par dono bhai bahan ki aapas me bahas huyi....kafi tu tu main main huyi.....disha ko samjhane ki kafi koshish ki....magar disha nahi mani aur dev ke sath shadi karke dehli shift ho gayi....
disha ka bhai disha ko behad pyar karta tha....disha chali toh gayi magar uska bhai chupke se apni bahan par nazar rakh raha tha....taki kisi bhi buri nazar se wo bacha sake....!
tabhi ye haadsa huaa...disha duniya chhod chuki thi.....uska bhai tilmila utha....usne dev aur uske dushmano ki kundli nikalne me lag gaya.....
uske bhai ko ye pata karne me jyada lamba waqt nahi laga....aur usne dev se judi har mumkin jankaari jootata raha....
disha ke bhai ko ansari hi mukhy vilen nazar aaya......aur wo us par ghat lagaye baitha uske hindustan aane ka intzaar kar raha tha.
tabhi delhi me D ka bolbala shuru ho gaya....wo chounka.....uski samjh me nahi aaya ki achanak ye D kahan se prakat ho gaya....abhi wo iske bare me jankaari jootana chahta tha tabhi ansari lout aaya.
disha ke bhai ne bhi D naam ka sahara liya aur ansari aur uske gurgo ko khatm kar diya.....
is kaam me uska sath dev ke ek matra dost bhaskar ne diya tha...jise ansari ne goli mar di thi...magar tab tak uske pas tamaam jankariya uplabdh ho chuki thi....!
khan ne lambi saans li aur pratap se bola~: maine sahi kaha na mr...pratap hegde...urf D....
pratap muskuraya...aur deepak ki taraf dekhte huye bola~: yaar khan ne toh hume nanga kar daala....tumne sahi kaha tha ki khan ek na ek din hum tak jaroor pahunch jayega....aur wo isne kar dikhaya......sabaas khan....good job...!!
khan~: ek baat meri samjh me nahi aayi ki ansari ko apne changool se udate waqt wo dusra saksh koun tha...?
deepak aur pratap muskuraye.......
khan~: is matlab aap dono the.....?
sahi kaha khan......dono ek sath bole.
"ohhhh...i see.....khan ne kaha...."par aap dono ek sath kab mile....?
pratap ka ek khabri tab se hum par nazar rakhe tha jab humne mumbai me kadam rakha tha......usne sab dekha....aur vaise bhi hum dono ko pata tha ki asli dev toh hospital me hai toh dusra D koun hai....humne ek dusare ke samne khud ko jahir kiya taki us aakhiri haraami ansari ko uske anjaam tak pahuncha sake....aur hum kamyab rahe.....!
ohhhh....khan jaise sab samajh gaya tha.
deepak~: tum ab sab jaan chuke ho.....kya karna chahoge.....kya girftaar karne aaye ho....?
khan~: ek sawal puchhu...?
deepak~: puchho....!
khan~: kanoon apradhi ko salaakho ke piche kaid kyu karta hai...?
deepak~: sidhi si baat hai....aisa is liye kiya jata hai ki wo apradhi khud ko sudhar sake aur dubara koi jurm na kare.....uske jehan me kaid hone ka dar humesha rahe aur usko sudhrane me ye darr help karta rahe....?
khan~: sahi kaha sir.....fir aap hi bataaiye main kisko girftaar karu....deepak aur pratap ko.....ya D ko....?
pratap aur deepak ek sath bole~: kya matlab...?
khan~: matlab saaf hai sir....main yahan D ko pakadne aaya tha...magar D toh un mujrimo ke sath hi mar chuka hai....mere samne toh deepak aur pratap khade hai....jo log D ka chola utar hi chuke hai toh fir unhe kaid karne ka kya faayda....aur baat aur...?
deepak~: kya...?
khan~: yahi ki ye D kabhi jinda nahi hoga....wo humesha ke liye mar chuka hai...dono vaada kijiye....!
deepak aur pratap ne ek sath kaha~: hum vaada karte hai khan.....!!
"good....toh main chalta hun....itna kahkar khan muda aur kuchh kadam chala tabhi deepak ne pukara~: khan....
khan palta aur prashanvachak nazaro se dekhne laga....
dono ne ek jordaar sailute thoka aur bole......thankss khan....jai hind.....!
khan muskuraya aur mudkar deepak ke ghar se bahar nikal gaya....!!!!!!!!!!
-------- ------ ------- ------- --------- ---------
The End