khan~: sir...kyu na is photo ko scane karke serch kiya jaye....sayad koi saflata mil jaye...
deepak~: ab yahi karne ki soch raha tha khan aur sath me aaspas ke safi sahro me email bhejne ki soch raha tha taki kahi se toh koi khabar milegi.....
khan~: haan sir....sahi kaha aapne....fir jaroor koi na koi saflata milegi......!
deepak ne photo scane karke upload kiya aur serch mara....aur khan ki taraf ghuma....
khan~: sir...kya kah rahe the aap...?
deepak~: kya...?
khan~: sir....aap kuchh toh aisi baat jante hai jo ....?
deepak~: haan khan.....is D Ka ab khel khatm hi samjho....wo mujhse ab jyada door nahi hai....bas thoda sa fasla hai....bas conform ho jaye ki mera andaza ek dam pefect hai...
khan~: wo kaise sir....
deepak~: abhi pata chal jayega khan.....
itna kahkar deepak fir pc ki taraf ghuma aur dekha....abhi tak search chal raha tha....tabhi screen par search complete huaa...aur jo match huaa ...use dekhkar deepak kai feet upar uchala....
" kyaaaaa.....deepak ke hairat dekhne layak thi.
khan~: kya huaa sir.....
deepak~: khan....ye dekho...
khan ne dekha toh uski hairat deepak se kai guna jyada thi....dono ek dusare ka chehra dekh rahe the toh kabhi computer ki taraf......!!!!!!!!!!
Daaga kunmunaya....
sayad use hosh aa raha tha.....
daaga ko apne kanpati par dard ka ahsas huaa......usne siskana chaha...nakaamyab raha......karan tha munh me thoonsa kapda....
daaga ne hath se choona chaha....par nakaam....dono hath pichhe bandhe the....
daaga ne aankhe kholi.....usake hosh hi ud gayi.....jab usne hilne ki koshis ki...magar nakaam....kisi tang aur andheri jagah thi....jahan halki halki roshni aa rahi thi...jagah itni tang ki hilna bhi mumkin nahi....
daaga ko wo jagah ajeeb lagi....kyuki daaga ko hichkole se lag rahe the.....
daaga kafi had tak hosh me aa chuka tha.....
daaga ko oil jaisi gandh ki aawaz aayi......usne samjhne ki koshis ki toh samjh me aaya ki ye koi gaadi hai aur daaga us gaadi ki diggi me band hai.....
daaga ke hosh faakhta...kaato toh khoon nahi.....daaga kisi bachche ki tarah saham diya....uske jism me darr chintiyo ki tarah rengne laga....
daaga samjh nahi pa raha tha ki ye sakhsh usko kahan lekar jaa raha hai.....ye uske sath kya karne wala hai.....ek baat saaf thi ki ye saksh use jinda nahi chhodega.....fir use kahan le ja raha hai.....
daaga ke jism me kampkampi choot gayi.....uska jism kisi jude ke marij ki tarah kaampa.
daaga ka darr apne charam par tha.....daaga ko apna kiya sara paap yaad aane laga......pichla sara itihaas uski aankho ke samne film ki tarah chalne laga....
daaga ab khud ko kosh raha tha....gaali de raha tha.....khud se hi kah raha tha...kash main is dhandhe me nahi aata toh aaj apni ye durdasha nahi hoti....baki logo ki tarah wo bhi aaj chain ki jindgi jee raha hota....
daaga ki haalat is ajnabi ne ajeeb si kar di.....daaga ko apni mout sakshst nazar aa rahi thi....usase jyada darr use is baat ka tha ki ye saksh uske sath kya karne wala hai.....
daaga ki kouf ke mare saanse atkane lagi.....hichkole khati us gaadi ki diggi me uska dum ghutne laga....
daaga bechara ab apne upar wale ko yaad kar raha tha......duaa kar raha tha mano kah raha ho ki bas is baar bachalo....is galich dhandhe se humesha ke liye touba kar lunga.....
magar uske paap itna jyada tha ki uparwala bhi ab uski sunane wala nahi tha.....
gaadi usi tarah hichkole khati pata nahi kitne ghante chalti rahi.....ab diggi ke kono se bhi roshni aani band ho gayi thi.....raat ho chuki thi......kabhi kabhar bijli si chamak aati.....sayad aage piche se koi gaadi gujrati....uski headlight ki roshni thi....jo daaga ko bijli si chamak pal bhar dikhayi si deti....
daaga ka jism ab puri tarah akad chuka tha....
fir gaadi ke hichkole tez ho gaye,....daaga ka sarir diggi me idhar udhar takrane laga.......daaga ko samjhte der nahi lagi......ki ye koi kachcha rasta hai...jiski vajah se itne tez hichkole lag rahe hai........
lagbhag aadhe ghante baad gaadi ko tez break lage.....daaga ka sar diggi me body se takraya.....uski aankho ke aage taare nach uthe......wo apne hosh khota gaya.....daaga fir behosh ho chuka tha......
pata nahi daaga kab tak behosh raha......jab hosh aaya toh wo diggi se bahar tha....ye koi khandhar jaisi jagah thi....bilkul ujaad si.....
daaga ne khud ko kursi se bandha paya......daaga samjh gaya ki yahan sab pahle se planed hai....varna is khandhar me ye kursi kahan se aati.....ye baki ka saman kahan se aata ya hosh sakta hai ki wo kafi waqt tak behosh raha....tab tak ye saman arenge kar liya gaya ho.....
daaga ab besabri se ajnabi ke aane ka intzaar kar raha tha....magar ajnabi nahi louta......daaga ne khud ko aazad karne ki bahut koshis ki magar kamyab nahi huaa....thak haarne ke baad ajnabi ka fir se intzar karne laga..........!!!!!!!!!
Deepak is waqt sp khanna ke office me pesh huaa....
sp~: baitho insp....!
deepak sp ko salaam thokkar baith gaya...
sp~: kya prograss hai....kuchh pata chala sarfire ke bare me....?
deepak~: yes sir....?
sp~: koun hai ye...aur kyu kar raha hai...?
deepak~: sir....jitna humane socha tha usase kahi bada mamla hai ye...?
sp~; kya kahna chahte ho...?
deepak~: sir....isa saksh ke bare me jab aapko pata chalega,....aap bhi uchal jayenge...
sp~: suspense mat badhao.....jo kahna hai saaf saaf kaho....?
deepak~: sir.....aaj se 3 saal pahle tak mumbai underworld me ek naam aksar gunjata tha.....diljala....
sp~: haan....toh ?
deepak~: ye wahi saksh hai....is baar D naam ke sath hazir huaa hai....D..DILJALA....!
sp sachmuch uchhal pada......
sp~: ye kya kah rahe ho tum....r u sure....?
deepak~: 100% sir....ye diljala hi D hai...!
sp~: par ye sunane me aaya tha ki D jurm ki duniya ko chhod chuka hai......uske bare ye prisidh tha ki wo jo kahta hai....us par atal rahta hai...fir ye vapas kyu louta hai....?
deepak~: sir....jahan tak investigation me pata chala hai....wo delhi me tab se rah raha hai....jabse usne mumbai underworld se kinaara kiya tha,....yahan wo ajay mehra ke naam se apni biwi drishti ke sath rahta tha...drishti.....yani.....D...!
sp~: drishti rape aur murder case ke bare me mujhe pata hai....insp...jayant is mamle ko handle kar rahe the,....!!
deepak~: wahi drishti....uske sath ye pichle teen saal se rah raha tha.
sp~: hmmmmm.....!...fir disha ka kya chakkar hai...?
deepak~: mujhe lagta hai sir....jis tarah wo apna naam badalkar kar rah raha tha....usi tarah is ladki ka naam bhi disha hi tha...jo badalkar drishti rakha tha....taki koi pahchan nahi paye....
sp~: iska matlab ye huaa...ki wo nahi chahta tha ki kisi ko bhi uski koi khojkhabar mile...isliye usne apna naam aur huliya badal rakha tha....
deepak~:yes sir.....
sp~: iska toh yahi matlab niklata hai ki wo sachmuch jurm ki duniya ko chhod ek nayi jindgi jee raha tha...humse chhup kar....jurm ki duniya se chupkar....?
deepak~: jee sir....?
sp~: ye toh badi khatarnaak baat bata rahe ho insp.....diljale ka fir lout aane ka matlab hai ek bahut badi tabaahi....
deepak~: haan sir....uske bare me humesha se kaha jata raha hai ki mout ko apna khel samjhta tha wo....har roz khelta tha....ye ek sidhanto wala gunda tha.....ise do tarah ke kaam se humesha nafrat rahi thi.....ek drugs ki ...dusari ladkiyo ki dalaali.....iske alawa sir isne kabhi kisi aam aadmi ko tang nahi kiya......ye bas jurm ke khilaadiyo se do do hath karta tha....wo humesha jeetata tha.....underworld me isake naam ka itna khouf tha ki koi iske samne khade hone ki himmat nahi karta tha...jo bhi hota...samhjo gaya kaam se....iske khilaaf koi bhi saboot nahi mila.....kyuki ye apne shikar ko itni safaai se khatm karta ki piche koi saboot hi nahi chhodta....thik vaisa hi tarika wo aajkal use kar raha hai....fark sirf itna hai sir....ki wo isbar har kaam challange ke sath kar raha hai....
sp~: welldone...insp....good job...!
deepak~: thankss sir...
sp~: agar tum itna kuchh jaan hi chuke ho toh ab tak use girftaar kyu nahi kiya....?
deepak~: sir thane me uska photo de chuka hun...sab alert hai.....ab usake agle hamle ka intzar hai...kyuki sir wo apna ghar chhod chuka hai.....aur filhal uske kisi bhi thikaane ki koi khabar police ke pas moujud nahi hai.....jahan tak mera khyal hai uska koi fix thikaana nahi hai,...
sp~: hmmmmm...ab kya karna chahte ho,...?
deepak~: sir....uska agla shikar daaga tha....magar wo underground ho gaya hai.....usne underground hokar police ki muskile aur badha di hai.....ab D ke agle kadam ka intzaar karne ke alawa humare pas dusara koi vikalp hi nahi hai......?
sp~: aise intzar karne se kya hoga.....kuchh toh karna hi padega....
deepak~: sir....mere hisab se daaga apne baap ansari ki sharan me chala gaya hai....sunane me aaya hai ki ansaari is waqt mumbai me hai....toh fir....?
sp~: toh fir ye D bhi mumbai jaroor jayega....
deepak~: jee sir....aisa hi mujhe lagta hai....kyu na ek baar chek kiya jaye....
sp~: matlab...?
deepak~: sir....main mumbai jaana chahta hun.....taki D ko pakadkar kanoon ki giraft me le sakoon....
sp~: kya sachmuch D mumbai me hai...?
deepak~: mujhe yahi lagta hai sir....aap hi sochiye....agar daaga is waqt delhi me hota toh D use jarur dhundh leta....daaga ke liye ek hi jagah bachi hai...wo hai ansari ki sharan.....dusari baat ki ansari is waqt mumbai me hai toh fir daaga ka ansaari se milna vaise bhi jaroori hai.....jab ye dono wahan hai toh fir D bhi wahi hoga,.....
sp~: hmmmmmm...tumhare baato me gahraai hai,....
deepak~: sir....isase pahle D apna challange poora kare...mujhe use giraftaar karna hai....isliye mujhe mumbai jaane ki permision dijiye....
sp~: okkkk...insp....u may procced......jaao aur taiyari karo....aaj tum mumbai ke liye rawana ho rahe ho....likhit aadesh tumhare thane pahunch jayega......be alert insp,....!
deepak~: thankss sir....thank you very much.....
deepak ne sailute thoka aur thane lout aaya......mumbai jane ki taiyariya karne laga....
shaam tak deepak apni safed i20car me mumbai ki taraf ud chala...!!!!!!!!!
Ab sare dhurandhar mumbai me ikatha hone wale the....kya D mumbai me tha....kya deepak ka andaza sahi tha....agar sabhi ek hi sahar me the toh kya hone wala tha.....khuda jaane aage kya hoga....
?
hotel swarg....
mumbai ke sagar kinare bana ek shandaar hotel....
bilkul swarg ka hi hissa lagta tha...,magar haqeeqat me kuchh aur hi tha.
ye hotel baki hotels ki tarah ansari group ki malkiyat thi....
dusare sabdon me kaha jaye toh ye ansari ka headquarter tha......ansari apne sare gair kanooni kaam yahin se oprate karwata tha...
kahne ke liye raja malik iska malik tha....par sara mumbai janta tha ki ye raja malik toh sirf ek pyada hai....
police sabkuch janati thi aur ansari ki ghaat lagaye baithi thi....magar ansari aata...kuchh din rukta aur fir nikal leta.....par kabhi police ke hath nahi laga,....har bar chakma dekar nikal jata....
mumbai police ne kai baar ansari ke har hotel par chhaapa mara...magar nirasha hi hath lagi....ansari red se pahle hi furr ho jata....
aaj ansari hotel swarg me moujud tha....ansari ka ye room hotel besment ke aakhiri chhor pe bana tha....pahli nazar me ye besment ke chhor ki aakhiri deewar lagti thi,,..magar asal me usaae aage ek 20 by 20 ek aalishan room tha...jisame is waqt ansari raja malik aur apne dusare gurgo ke sath moujud tha...
ansari ek waqt ek aalishan sofe par maharaja ki tarah baitha tha....ansari ek gora chitta, 40saal ko par karta ek aakrashak aadmi tha....sabse khas thi uski bhuri aankhe.....billori aankho me laal dore har waqt tairate rahte....aisa lagta jaise sara khoon aankho se hokar poore jism me supply hota ho....uski aankho ki surkhi usko behad khatarnak sabit karti.....aksar aadhi jaan toh ansari ki surkh aankhe pahle hi nikal deti...bachi khuchi jaan ansari ki bhari ,khurduri aawaz nikal deti....
khair......is waqt ansari ke pairo par koi gira gidgida raha tha.....
"plz...ansari saheb...main sach kah raha hun...mujhe kuchh nahi pata.....
ansari ki surkh aankho ne ghura...us saksh ko apni saanse atakati huyi si lagi....
"dekho....bhaskar....hum sirf ek bar puchhenge...aur full & final ho gaya samjho....ab tote ki tarah rataa shuru karo.....achche bachhe bano bhaskar....ansari ne kaha.
bhaskar naam ke us aadmi ko ansari ke sabdo me lipati dhamki saaf samajh me aayi.....uski dhamki se pure badan me jhurjhuri doud gayi.....!
"main sach kah raha hun ansari sahed.....pure 3saal se upar ka waqt ho gaya hai maine use kabhi nahi dekha......bhaskar bola.
"bhaskar..bhaskar...kya yaar....itna jiddipan kabhi kabhi khud ke liye jahar ban jata hai....is baar malik bola.
"sabko pata hai ki use kisi ne nahi dekha...jab se usne underworld chhoda tha uske baad se gayab tha.....bhaskar bola.
"kya ye sach nahi hai ki delhi me hone ki khabar tumne hi leak ki thi...malik ne kaha.
"haan....mujhe delhi me uski ek jhalak mili thi.....main kisi kaam se gaya tha..,.bhaskar ne kaha.
"aur tumne sharab ke nashe me ye sab bate delhi me mere aadmiyo ke samne ugal di.....ansari apni khurdari aawaz me bola.
"jee....!
"jurm ki duniya me sivay tumhare uska koi dost nahi tha,....malik ne kaha.
"nahi...ye jhooth hai.....uska koi dost nahi tha...!
"matlab ,,..tum kuchh nahi bataaoge...?
"agar mujhe kuchh bhi pata hota toh jaroor batata....
"malik....le jaao ise aur tum jante hi ho ki kya karna hai.....ansari ne kaha.
bhaskar samjh gaya ki aaj uska aakhiri din hai,......bola~: ek baat hai jo bata sakta hun ?
kya....?
"tum apni sari taqat lagalo.....wo kisi bhi keemat me tumhe nahi milega....jab wo chahega, tumhare sar pe sawar hoga....aur wo din tumhara aakhiri din hoga ansari.........bhaskar bola.
shabaas bhaskar...shabash....ye huye na baat.......ansari ne pistel nikali aur shoot kar diya.....
dhaany....dhaany....do goliya andar aur bhaskar ka dum bahar....bhaskar nirjeev farsh par pada tha...
"haramjaada....ansari ne nafrat se thooka aur apne chammacho ko kuchh samjhane laga......
sab chamchche apne kaamo me joot gaye...bhaskar laaash ko le gaye.....ansari gahri soch me doob gaya....
ansari pichle 3saalo se jise dhundh raha tha...koi pata nahi laga...aur jab laga toh usko apna samrajya hilta huaa laga....ansari jaanta tha ki isase pahle wo kuchh kare , use dhoondh kar khatm kar dena chahiye ...varna uska samrajya khatm samjho....sach kaha jaye toh ansari behad ghabraya huaa tha.....!!!!!!!!!!